以前一返到屋企就唔願郁,而家一入門口,嗱嗱聲洗手、除口罩、換衫啦。抗疫期間有開門7件事,一定要做足!

  1. 第一時間當然係掉咗個口罩啦!要注意步驟:握住兩邊繩除下,唔好掂到自己眼同口鼻,將口罩本身向外的一面對摺,放入袋或信封包好先丟棄。 
  2. 洗手!洗手!洗手!除完口罩同鞋,趕緊洗手。記得要用埋洗手液或番梘幫手,洗大概30秒先可以有效殺菌架! 
  3. 用70%-80%濃度的酒精噴鞋底及鞋面。想慳番啲酒精,可以開定1:99稀釋咗嘅漂白水用來噴或抹,最好擦埋鞋底。 
  4. 立即換低啲出街衫褲,唔好再著住周屋行嘞,一般清洗方法就OK。 
  5. 順手開窗,保持空氣流通。 
  6. 如果你去廁所,記得將廁蓋掩上先好沖水,否則細菌病毒周圍飛。 
  7. 八達通套、電話,甚至帶完出街個袋,都可以用酒精或1:99稀釋咗嘅漂白水抹架。

Source: myCOOKey