你的購物車是空的
{{ (item.variation.media ? item.variation.media.alt_translations : item.product.cover_media.alt_translations) | translateModel }} {{ (item.variation.media
                    ? item.variation.media.alt_translations
                    : item.product.cover_media.alt_translations) | translateModel
                }}
{{ 'product.bundled_products.label' | translate }}
{{ 'product.bundle_group_products.label' | translate }}
{{ 'product.gift.label' | translate }}
{{ 'product.addon_products.label' | translate }}
{{item.product.title_translations|translateModel}}
{{ field.name_translations | translateModel }}
{{item.variation.name}}
{{item.quantity}}x {{ item.unit_point }} 點
{{addonItem.product.cover_media.alt_translations | translateModel}}
{{ 'product.addon_products.label' | translate }}
{{addonItem.product.title_translations|translateModel}}
{{addonItem.quantity}}x {{ mainConfig.merchantData.base_currency.alternate_symbol + "0" }}

請按下列橫幅填寫你的問題

Q: 戴口罩戴得多有粒粒,有無啲內服外敷方法?(25歲或以下女性 )

A: 長期係啲又熱又潮濕嘅天氣底下戴口罩,導致皮膚既油脂同汗水焗埋喺個口罩裏面,令面部皮膚敏感,又濕又痕又紅又腫。除咗做好基本皮膚清潔保濕護理之外,要盡量少化妝品,以免焗住毛孔。亦要少食溫熱食物如龍眼、荔枝、榴槤、蔥蒜、牛羊等等;仲要確保睡眠充足。尤其是面部皮溫升高,覺得興烚烚,加上口乾想飲水,可以試下煲會或焗水飲哩啲食材:
冬瓜或冬瓜皮:清熱利水,消腫解毒,生津除煩
山藥:益氣養陰,補脾肺腎
綠豆:清熱解毒,消暑解渴,消瘡排膿
薏仁:利水滲濕,健脾,清熱排膿
當然食咩都要視乎體質,如果食咗覺得冇效反而重敏感咗,就要停止服用,快啲搵註冊中醫師睇。

Q: 有腰痛問題,咩湯水可以有助舒緩?(36-45歲女性)

A: 中醫講辨證論治,如果撇除外傷史,系香港最多見既腰痛系因為腎虛或脾虛濕重。腎虛既表現除左腰痛,可以包埋腰膝酸軟,耳鳴耳聾,甚至有關生殖泌尿既問題。脾虛濕重既腰痛表現可以系肌肉重墜無力、腰酸、中央肥胖、水腫等,女士可以伴有白帶過多、月經失調。
煲開湯可加黑豆補腎;加淮山、茯苓補脾。多食有益。

Q: 洗完頭已經有吹乾,但隔中都會好似有偏頭痛咁,有咩辦法?(26-35歲女性)

A: 偏頭痛有好多成因,吹唔乾個頭又吹冷氣,可能導致寒邪入侵, 導致氣血不通而痛。另一個非常常見嘅偏頭痛成因係肝鬱氣滯、肝陽上亢,甚至係頸椎病引發神經痛等。中醫講求辨證論治,同一個病名有唔同嘅病因,要捉緊病因去治療,效果先會立竿見影。我建議每日花5至10分鐘,多按摩穴位:
百會、率谷、四神聰、合谷、列缺。
如果覺得搵穴位好麻煩,我建議至少每日梳頭300至400下,刺激頭部穴位、促進生化氣血,除咗啲頭痛,仲會減少脫髮、白髮。


Q:本身長頭髮,有時都會甩好多,係咪食黑芝麻對頭髮好,仲有無其他?(25歲或以下女性 )

A:中醫認為頭髮健康與肝、腎、脾及氣血有關,肝負責藏血,脾負責生血,腎負責藏精。尤其「髮為血之餘」,顧名思義,要養好頭髮,一定要養血。鼓勵大家,尤其女士月經週期之後要補血, 可多食黑豆,可以白鑊炒香黑豆,爆開見到青色後收火,焗水飲,簡單方便。平時多食黑色食物, 因為色黑補腎, 所以黑芝麻當然可以食, 不過仁/籽類中藥一般有潤腸通便之效, 如果脾虛濕重,成日大便稀爛、肚瀉, 就唔好食黑芝麻喇。亦強烈建議大家至少每日梳頭300至400下,刺激頭部穴位、促進生化氣血。


Q: 比其他女仔大汗,流淡汗係咩原因?體質問題?(25歲或以下女性 )

A:「流淡汗」, 我會理解為異常出汗, 明明氣溫唔太高或唔覺熱時亦出汗,或者稍稍活動即大汗淋漓;又或是突如其來既潮熱, 短時間內冒汗。
病因可以係肺氣不足、營衛不和、心血不足、陰虛火旺或邪熱鬱蒸,要對症下藥,因為每種治法方向都唔同。汗血同源,唔好覺得流汗都好小事,大汗除咗睇落聞落尷尬之外,流汗太多會導致氣血虛, 女士仲會有可能影響月經㖭。另外,汗多者一般腠理疏鬆易虛,容易感冒,故此汗證病人必須注意汗出時,避免吹風受寒;汗出後亦應及時抹乾,或經常更換內衣,唔好噏住,亦要少飲食生冷辛辣、肥甘厚味。

Q: 女 26-35 三十未夠已經有好多白頭髮呀,點解決呀?(26-35歲女性 )

A: 頭髮早白而家越嚟越年輕化,有遺傳因素,也可以係自身造成嘅因素:壞嘅飲食習慣、壓力大、睡眠質素差等,均導致肝、腎、脾及氣血虛弱,以致不能濡養髮囊。
中醫認為頭髮健康與肝、腎、脾及氣血有關,肝負責藏血,脾負責生血,腎負責藏精。尤其「髮為血之餘」,顧名思義,要養好頭髮,一定要養血。鼓勵大家,尤其女士月經週期之後要補血, 可多食黑豆,可以白鑊炒香黑豆,爆開見到青色後收火,焗水飲,簡單方便。平時多食黑色食物,亦強烈建議大家至少每日梳頭300至400下,刺激頭部穴位、促進生化氣血。

Q: 最近已經食得清淡左,但刷咗牙之後仲有口臭嘅問題,食多啲生果有冇幫助?定係用其他方法?(36-45歲女性 )

A: 香港天氣長期潮濕嚟講,脾胃差導致既口臭,可以話最常見。飲食失節,腸胃食積,即係「食滯」;或者脾虛濕重,伴肌肉重墜、鬆弛無力、中央肥胖,女士可以伴有白帶過多等。哩種口臭一般係酸臭味,自己都feel到舌苔好厚,有啲酸酸叔叔嘅味道,胃脹、冇胃口、容易噯氣、反胃酸,或經常放臭屁。
其餘就係痰熱壅肺,容易覺得咽乾舌燥,口氣偏腥臭。
另一類是心肝火旺、情緒躁動人士。脾氣暴躁易怒、口苦口乾。
陰虛火旺一類,常伴心煩失眠夢多、尤其夜晚訓覺口燥咽乾、口氣不至太重。
食多啲生果蔬菜,纖維多啲固然重要,雖然有助腸道蠕動,但都無助改善口氣問題。如針對口氣問題,反而多啲顧護脾胃,脾胃消化功能改善,口氣情況自然會改善。

Q: 皮膚偏黃,已經唔煙唔酒,係肝有事?(36-45歲女性 )

A: 如果你臉色發黃並伴有眼睛、全身皮膚、小便等發黃及其他消化道症狀,可能是肝膽疾病引起,咁就應及時去醫院確診治療。但如果你排除以上因素, 單單係面色發黃,可能只係因為脾虛。脾主色黃, 脾胃虛自然容易面色萎黃,肌肉鬆弛,容易有虛肥嘅現象:明明唔飲酒、冇乜食嘢、齋飲水都肥,真係好苦惱。
唔想面黃或者虛肥、肌肉鬆弛嘅人就一定要養好脾胃, 三類食物要盡量避免:

1)生冷食物: 綠茶﹑凍飲﹑沙律﹑壽司﹑魚生等
2)甜食
3)油膩黏滯食物:奶類製品﹑豆漿﹑珍珠奶茶等

Q: 有便秘問題但有屁放,其實日常生活都尷尬,可以點做?(26-35歲女性 )

A: 便秘原因有好多,起碼要知道你既排便習慣:幾耐去一次、質地如何、氣味如何、去嘅時候暢唔暢快、夠唔夠氣、屙完有冇未屙清嘅感覺等等。大家平時可以留意下。
好多人便秘會靠食乳酪去調整腸道菌群,又有人靠飲奶去達到輕瀉嘅效果,但其實喺中醫角度,呢啲都係屬於生冷黏膩嘅食物,初初食可能會有效, 長久食可能會令便秘問題加重,個肚唔係肚餓都會經常嘰哩咕嚕,或者放屁。應先戒口,再養脾胃。唔好盲目食啲補身嘅嘢。平時可以飲下炒米茶,加少少去核紅棗,簡單易做。

Q:  陳醫師,你好,我有夜尿頻繁問題,開始影響睡眠質素,如何調理呢?謝謝 (36-45歲女性 )

A: 腎虛、肝郁情緒緊張、飲食不節致脾胃虛等,都有機會導致夜尿。夜尿問題唔止中年男人先有,腎虛,腎不納氣,氣虛不固,係夜尿嘅主要病因,所以年青男女都有可以有腎虛嘅情況出現,有先天及有後天因素:飲食、房事不節都有影響,當然記得要排除尿道炎等泌尿系統疾病啦。
如果年輕女士有夜尿嘅問題,加上有月經問題或腰酸痛,可以試下暖敷肚臍及臍下三吋,或者後腰骶。
仲有,盡量避免喺臨瞓前飲水飲茶,口乾要飲都係飲一啖濕下個口算啦。平時亦要減少食啲肥甘厚味、 生冷、甜嘢。
仲要注意下半身保暖, 女仔著裙自然容易露個膝頭出嚟,呢個理解嘅,不過返到office冇人見到就要冚住佢,尤其是月經期間,以免受涼。
平時多食核桃、黑豆、黑芝麻、何首烏、桑寄生、栗子等補腎食物。

Q: 由上年4月開始突然出濕疹,而一直有失眠既問題 (36-45歲女性 )

A: 其實兩樣嘢發病原因都可以好唔同,濕疹嘅病機一般圍繞脾虛濕重,雖然有啲人嘅濕疹表現係皮膚乾燥、脫屑;相反,有啲人嘅濕疹表現係隨便抓一下就流黄水、結痂。病人成日問,明明我皮膚乾燥,點解係濕呢?其實脾虛導致水液運化失司,應該滋養皮膚又滋養唔到,結果變得乾;反之,就潤太過,變成流水出嚟。
所以要改善濕疹,一定要從調理脾胃、去濕著手。
戒口又唔使乜都唔食得咁慘嘅,主要就係三樣:
1)生冷食物: 綠茶﹑凍飲﹑沙律﹑壽司﹑魚生等
2)甜食
3)油膩黏滯食物:奶類製品﹑豆漿﹑珍珠奶茶等。
如果個別人士對海鮮、牛等敏感,就自己戒嗰啲喇。
另外,講返失眠問題,可以系因為壓力大、情緒問題導致肝鬱氣滯,或容易忟憎肝火旺盛,或思慮過度致心脾兩虛,或者飲食不節痰濕內擾等,哩啲都要視乎病機治病。我建議臨瞓之前做五分鐘輕鬆嘅拉筋運動,另外畀五分鐘按摩穴位:百會, 四神聰, 安眠。唔記得按摩邊度都起碼每日梳頭300至400下,刺激頭部穴位,會好訓啲。